नयाँ राहदानी (पासपोर्ट) बनाउने

सुरु गर्नुअघि

• यो पोर्टल ब्राउजरमा खुल्छ — सानो स्क्रिनमा राम्रोसँग चल्दैन

चाहिने कागजात

• बारकोड र QR कोड सहितको भरिएको अनलाइन फाराम (छापिएको, नभए मोबाइलमा सक्कल प्रति — Screenshot होइन)
• नेपाली नागरिकताको प्रमाणपत्र वा नाबालक परिचयपत्रको सक्कल प्रति
• राष्ट्रिय परिचयपत्र वा राष्ट्रिय परिचयपत्र दर्ता भएको प्रमाण — १६ वर्ष माथिका र नेपालमा आवेदन दिने आवेदकहरूका लागि राष्ट्रिय परिचयपत्र अनिवार्य हो।
• दस्तुर बुझाएको बैंक भौचर वा नगदी रसिद
• बसाइँ सराइ गरी ठेगाना परिवर्तन भएकोमा बसाइँ सराइको प्रमाणपत्रको प्रतिलिपि
• विवाहित महिलाको हालको ठेगाना कायम गर्दा विवाहदर्ता प्रमाणपत्र
• जिल्ला/इलाका प्रशासन कार्यालयबाट नाबालक परिचयपत्र प्रमाणीकरण (विभागमा पहिलोपटक आवेदन दिँदा) (नाबालक)
• बाबु/आमाको नागरिकता प्रमाणपत्र (नाबालक)
• बाबु/आमाको विवाहदर्ता प्रमाणपत्र (नाबालक)

चरणहरू

1. अनलाइन फाराम भरी मिति र समय बुक गर्नेपहिलो पटक (First Issuance - New), हराएको/चोरिएको वा बिग्रेको सट्टा (Replacement) वा विवरण त्रुटि (Modification - Data Correction) मध्ये एउटा छान्ने, ३४ वा ६६ पेज छान्ने र Enrolment Centre तथा Appointment तय गर्ने।
2. कागजात स्क्यान गरी अपलोड र फाराम बुझाउनेसक्कल कागजात स्क्यान गरी 1 MB वा सो भन्दा कम आकारको बनाइ अपलोड गर्ने; फाराम बुझाए पछि PDF सुरक्षित राख्ने।राहदानी आवेदनमा त्रुटि भएमा पुनः शुल्क तिरी नयाँ राहदानी आवेदन दिनु पर्ने भएकोले सकभर आफै भर्नुहोस्।
3. दर्ता केन्द्रमा फाराम रुजु, दस्तुर भुक्तानी र फोटो/बायोमेट्रिकतोकिएको मिति र समयमा रोजेको दर्ता केन्द्रमा गई १. फाराम रुजू गर्ने → २. राजस्व भुक्तानी गर्ने → ३. फोटो खिच्ने र जैविक विवरण दिने।समय: जिल्ला/इलाका प्रशासन कार्यालय: सामान्यतः १० देखि ३० दिन; राहदानी विभाग (द्रुत): सामान्यतः दुई कार्य दिनभित्र
4. हराएको/चोरिएकोमा प्रहरी प्रतिवेदन चाहिँदैन (प्रतिलिपि)राहदानी हराएमा वा चोरी भएमा, पत्रपत्रिकामा सूचना ननिकाली वा प्रहरी प्रतिवेदन नलिए पनि राहदानीका लागि आवेदन दिन सकिन्छ।
5. त्रुटि भए फोटो खिच्नु अघि नै सच्याउन अनुरोध गर्ने (सच्याउने)फोटो खिच्ने समयमा अनुरोध गरी सच्याउन सकिन्छ; फोटो खिचेर फारामलाई अन्तिम स्वीकृति दिए पछि भने सच्याउन सकिने छैन।
6. SMS/ईमेल आएपछि आवेदन दिएकै ठाउँबाट राहदानी लिनेराहदानी तयार भएपछि ईमेल वा एसएमएस (SMS) बाट जानकारी गराइनेछ; आवश्यक कागजात लिई आवेदन दिएकै ठाउँमा गई सङ्कलन गर्ने।

दस्तुर र समय

• जिल्ला/इलाका प्रशासन कार्यालय (नियमित सेवा): ३४ पृष्ठ रु. ५,०००; ६६ पृष्ठ रु. १०,०००
• जिल्ला प्रशासन कार्यालय, १० वर्षमुनिका नाबालक: रु. २,५०० (काठमाडौं र कास्की जिल्ला प्रशासन कार्यालयको नागरिक बडापत्र)
• जिल्ला प्रशासन कार्यालय, हराएको राहदानी: रु. १०,००० (कास्की जिल्ला प्रशासन कार्यालयको नागरिक बडापत्र — आफ्नो जिल्लामा पुष्टि गर्नुहोस्)
• राहदानी विभाग, त्रिपुरेश्वर (द्रुत सेवा मात्र): ३४ पृष्ठ रु. १२,०००; ६६ पृष्ठ रु. २०,०००
• राहदानी विभाग, १० वर्षमुनिका नाबालक: ३४ पृष्ठ रु. ९,५००; ६६ पृष्ठ रु. १४,५००
• राहदानी विभाग, हराएको/बिग्रेको: ३४ पृष्ठ रु. १७,०००; ६६ पृष्ठ रु. २५,००० (१० वर्षमुनि: रु. १४,५०० / रु. १९,५००)
• कार्यालयको गल्तीले पुनः बनाउनुपरे: निःशुल्क